Bainskloof (Wellington)

Die VCSV se Bainskloof-kampterrein, hoog in die Limietberge, word gepas na verwys as die "bergkamp", en kombineer eersteklas akkommodasie en geriewe met 'n ongeëwenaarde ervaring in die natuur. As gevolg van die ruwe ligging is daar beperkte ruimte beskikbaar vir buitelugspeletjies. Die kampterrein se eie skilderagtige eko-staproete en die nabygeleë rivier met natuurlike poele vir swem maak egter meer as daarvoor op. Voeg hierby die vars oggende, 'n oorvloed suiwer berglug en die stilte wat laatmiddag inslaan soos die nag begin val, en jy kan seker wees dat jy aan die einde van jou verblyf fisies en geestelik hernu sal vertrek.

Die kampterrein bied groepakkommodasie vir 120 persone en is ideaal vir gefokusde programme in inspirerende omgewings vir jeug, kerk en ander groepe. Dit het ook 'n woonstel met 10 slaapkamers en 'n vrystaande kothuis met 4 slaapkamers (albei selfsorg) wat onafhanklik gehuur kan word. Die lokaal is verder 'n goeie keuse vir konferensies, troues, verjaarsdae en ander privaat funksies.

Volledig toegeruste kombuis | Saal (120+ mense) | Selfsorg (spysenieringsdiens op die perseel beskikbaar op aanvraag) | Beskutte braai (bring eie braairooster) | Elektrisiteit | Selfoonopvangs (nie gewaarborg nie) | Swem (slegs toegelaat onder toesig van 'n noodhelper) | Staptogte (sentrum se eie skilderagtige eko-staproete; staptogte in die aangrensende Limietberg Natuurreservaat vereis 'n permit van Kaapse Natuur) | In ooreenstemming met die huiseienaars se klank-aandklokreël, word geen eksterne klankstelsels toegelaat nie, en alle musiek moet teen 21:30 stop | Parkering beperk tot 18 voertuie | Geen parkering vir groot busse nie.

Tariewe

Verblyf • Heide (woonstel): R900 vir die eerste 2 persone per nag, en dan R160 pppn (maks. 10 persone) • Protea (kothuis): R900 vir die eerste 2 persone per nag, en dan R140 pppn (maks. 4 persone) Paasnaweek en periode van 16 Desember tot 10 Januarie: • Heide (woonstel): R1600 per dag (maks. 10 persone) • Protea (kothuis): R1000 per dag (maks. 4 persone) • Naweek: R150 pppn (leerders en volwassenes) • Gedurende die week: R140 pppn (leerders en volwassenes) • Kinders jonger as 5 jaar: Gratis Ingesluit in die fooi: gebruik van volledig toegeruste kombuis, verblyf Uitgesluit: persoonlike eetgerei, skoonmaakmiddels, beddegoed en kussings • Deposito: R3 000 Die deposito is aftrekbaar van die totale koste. Geen terugbetalings nie. • Minimum aantal: 30 persone • Dagbesoekers: R85 pp (09:00 – 19:00), met 'n minimum van R2100 p.p. • Huur van die saal per dag is R2500 • Wifi: R200 (slegs beskikbaar vir bestuur van fasiliteringspan)