Karmel (Franschhoek)

“Ongelooflik mooi!” Hierdie beskrywing van iemand wat 'n kamp by VCSV se Karmel-kampsentrum bygewoon het, sê dit alles.

Die kampterrein met sy afgesonderde ligging in die imposante Franschhoekberge, 'n rivier met natuurlike swempoele naby, 'n oorvloed welige fynbos-plantegroei en eindelose uitsigte oor majestueuse berge teen 'n agtergrond van indrukwekkende wolkformasies, straal 'n atmosfeer van vryheid en avontuur uit. Voeg hierby die sentrum se eie, goed toegeruste geriewe, en jy is gereed vir 'n kamp- en avontuurervaring om te onthou.

 

Die sentrum is ideaal vir avontuurkampe vir jeug-, kerk- en ander groepe, veral vir programme wat rustigheid in 'n afgesonderde omgewing vereis. Die lokaal is verder 'n goeie keuse vir konferensies, troues, verjaarsdae en ander privaat funksies.