Retiefkamp (Bloemfontein)

Die VCSV Retiefkamp is geleë aan die oewer van die Modderrivier, 20 km buite Bloemfontein en langs die gewilde Maselspoort-oord. Dit bied 'n verskeidenheid verblyfopsies en het toegang tot die ontspannings- en ander geriewe van die Maselspoort-oord. Die kamp se eie Buitelugsentrum-span, met opgeleide fasiliteerders en instrukteurs, bied avontuuraktiwiteite aan skool- en ander groepe. Deur middel van ervaringsleeraktiwiteite leer dit basiese lewensvaardighede en Christelike waardes en stel dit die groepe in die proses aan Christus bekend.

 

Een van die belangrikste kenmerke van die kamp is die kapasiteit om buitengewoon groot groepe van meer as 500 persone te akkommodeer.

Die sentrum is ideaal vir jeug-, kerk-, skoolsport- en ander groepverblyf. Die lokaal is verder 'n goeie keuse vir konferensies, troues, verjaarsdae en ander privaat funksies.