Uitsig (Strandfontein)

Die VCSV Uitsig-kampterrein is geleë in die dorpie Strandfontein aan Suid-Afrika se Weskus, ongeveer 25 km vanaf Lutzville (nie te verwar met die Strandfontein-kusoord naby Muizenberg, Kaapstad nie). Die sentrum se geriewe sluit in moderne akkommodasie, 'n kombuis, 'n saal en 'n kapel, terwyl die ligging 'n pragtige uitsig oor die Atlantiese Oseaan bied.

Buitelugaktiwiteite sluit in 'n wandeling of stap langs Strandfontein se lang, wit sandstrand of langs 'n aantal staproetes. Bergfietsroetes en 'n wye verskeidenheid watersportaktiwiteite is beskikbaar, terwyl 'n getypoel en 'n speelgrond vir kinders dien as 'n veilige ruimte waar die buitelewe geniet kan word.

Die sentrum is ideaal vir jeug-, kerk-, skool- en ander groepe, sowel as vir konferensies, troues en ander geleenthede.

Verblyf:

Eenhede: 12 | Beddens: 83

Tariewe

Fasiliteite Groepe • Deposito: R3000-00 (aftrekbaar van totale koste indien daar geen skade of breekplek is nie) • R160-00 per persoon per nag • R80-00 per kleuter per nag, • R85-00 per persoon per dagbesoek Privaat selfsorg-eenhede • Nie beskikbaar gedurende Desember-Januarie vakansies en Paasnaweek nie • Slaapplek vir 6 persone per eenheid, insluitend kinders • 6 Eenhede met 2 kamers, 6 beddens in totaal per eenheid met 'n aparte stort, wasbak en toilet • Eenhede is toegerus met binnenshuise braaigeriewe • 3 Eenhede vir fasiliteerders/groepleiers met aparte stort, wasbak, toilet en linne, uitgesluit handdoek • Deposito: R3000-00 (aftrekbaar van totale koste indien daar geen skade of breekplek is nie) • Eenheid: R1100-00 per eenheid per nag • Beddegoed beskikbaar op aanvraag: R120-00 per stel, uitgesluit handdoek. • Uitgesluit: Beddegoed, toiletpapier, skoonmaakmiddels, skottelgoedwasmiddel en -lappe, hout, swart sakke, eetgerei en breekware. Kapel • Plek vir 100 mense • R800-00 per dag of enige deel daarvan • Geen fooi vir groepbesprekings nie Uitsig-saal en -kombuis • R1 500-00 per dag of enige deel daarvan • Geen fooi vir groepbesprekings nie