Winklespruit (KZN - Suidkus)

Die atmosfeer van die VCSV Winklespruit-kampterrein se ligging langs die strand skep reeds die toon vir 'n uitstekende kampervaring. Voeg hierby 'n wye verskeidenheid goed onderhoude akkommodasie-opsies en doelgerigte kampverwante infrastruktuur en dienste, dan kan daar geen twyfel wees dat dit die plek is vir kampherinneringe wat nie vergeet sal word nie.

 

Die veilige strand leen hom tot die buitelugaktiwiteite wat met kampprogramme geassosieer word. En, hoewel afgesonder, vorm die kampterrein 'n integrale deel van die gewilde kusdorp Winklespruit met winkels en dienste, insluitend mediese sorg, geredelik beskikbaar.

 

Die sentrum is ideaal vir jeug-, kerk-, skoolsport- en ander groepe en bied die buigsaamheid om kleiner sowel as groter groepe te akkommodeer. Dit bied ook vakansieverblyf vir paartjies en gesinne.

Die lokaal is verder 'n goeie keuse vir konferensies, troues, verjaarsdae en ander privaat funksies.